Posts Tagged ‘poetry’
Ahmed Faraz Poetry – Alama Iqbal Poetry – Mirza Ghalib Poetry – Wasi Shah Poetry – Parveen Shakir Poetry
Posted October 20, 2009
on:- In: Faraz Poetry | Urdu Poetry
- 1 Comment
Ahmed Faraz the Great Poet
Posted July 26, 2009
on:muntazir kab se tahayyur hai teri taqrir ka
bat kar tujh par guman hone laga tasvir ka
rat kya soye k baqi umr ki nind ur gai
Khvab kya dekha ki dharka lag gaya tabir ka
jane tu kis alam main bichara hai ki tere bagair
aj tak har lafz fariyadi meri tahrir ka
jis tarah badal ka saya pyas bharakta rahe
main ne vo alam bhi dekha hai teri tasvir ka
kis tarah paya tujhe phir kis tarah khoya tujhe
mujh sa munkir bhi to qail ho gaya taqdir ka
ishq main sar phorna bhi kya k ye be-meher log
ju-e-Khun ko nam dete hain ju-e-shir ka
jis ko bhi chaha use shidat se chaha hai ‘Faraz’
sil-sila tuta nahin dard ki zanjir ka
- In: Faraz Poetry | Urdu Poetry
- 1 Comment
gile fuzul the ahad-e-vafa k hote hue
so chup raha sitam-e-narava k hote hue
ye qurbaton main ajab fasle pare k mujhe
hai ashna ki talab ashna k hote hue
vo hilagar hain jo majburiyan shumar karain
chirag ham ne jalayen hava k hote huye
na kar kisi pe bharosa k kashtiyan dubin
khuda k hote huye nakhuda k hote huye
kaise khabar hai k kasa-ba-dast phirte hain
bahut se log saron par huma k hote hue
‘Faraz’ aise bhi lamhen kabhi kabhi aye
k dil girifta raha dilruba k hote hue
Faraz Poetry | Ahmed Faraz Poetry
Posted July 26, 2009
on:har tamashai faqat sahil se manzar dekhta
kaun dariya ko ulatata kaun gauhar dekhta
wo to duniya ko meri divangi khush a gai
tere hathon main vagarna pahala patthar dekhta
ankh main ansu jare the par sada tujh ko na di
is tavaqqo par ki shayad tu palat kar dekhta
meri qismat ki lakirain mere hathon main na thin
tere mathe par koi mera muqaddar dekhta
zindagi phaili hui thi sham-e-hijran ki tarah
kis ko itana hausala tha kaun ji kar dekhta
dubane vala tha aur sahil pe cheharon ka hujum
pal ki mohalat thi main kis ko ankh bhar ke dekhta
tu bhi dil ko ik lahu ki bond samajha hai ‘Faraz’
ankh gar hoti to qatre main samandar dekhta
Jo Apni Omer Se Agy Nikal Rahi Ho Tum
Tumhe Khabar He Jawani Main Dhal Rahi Ho Tum.,
Kabhi Tumhe Bhi Dawa Tha Sirdmahri Ka
Kisi Ke Lams Ko Paar Pighal Rahi Ho Tum.,
Batao Kio Nahi Roka Tha Jane Wale Ko
Abb Ek Omer Se Kio Hath Mila Rahi Ho Tum.,
Jo Waladein Ne Tum Se Kaha Wo Maan Lia
Abb Apni Aag Se Chup Chaap Jal Rahi Ho Tum.,
Humare Dil Ka Khilona Tumhi Ne Toda Tha
Abb Is Khilone Ki Khatir Machal Rahi Ho Tum.,
Tumhe Gomaan He Ke Main Janta Nahi Kuch Bhi
Mujhe Khaber He Ke Rasta Badal Rahi Ho Tum.,
BY : (Gum Naam)
Comments