Posts Tagged ‘Ahmed Faraz Ghazal’
Faraz Poetry | Ahmed Faraz Poetry
Posted on: July 26, 2009
har tamashai faqat sahil se manzar dekhta
kaun dariya ko ulatata kaun gauhar dekhta
wo to duniya ko meri divangi khush a gai
tere hathon main vagarna pahala patthar dekhta
ankh main ansu jare the par sada tujh ko na di
is tavaqqo par ki shayad tu palat kar dekhta
meri qismat ki lakirain mere hathon main na thin
tere mathe par koi mera muqaddar dekhta
zindagi phaili hui thi sham-e-hijran ki tarah
kis ko itana hausala tha kaun ji kar dekhta
dubane vala tha aur sahil pe cheharon ka hujum
pal ki mohalat thi main kis ko ankh bhar ke dekhta
tu bhi dil ko ik lahu ki bond samajha hai ‘Faraz’
ankh gar hoti to qatre main samandar dekhta
Urdu Ghazal
Posted on: January 26, 2009
JO ROOH LEITI HAY AKSAR WOH SISKIYAN SUNAYI NAHI DEITIEN
JEEWAN MEIN HEIN KUCH AISI JO TALKHIYAN DIKHAYI NAHI DEITEINTANHAYI K GHUP ANDHIYARON MEIN AASEAIB ZADA DIL K MAKAN MEIN
KISI KI YAD SAY JO HOTI HEIN WOH ROSHNIYAN DIKHAYI NAHI DEITIEN
IK HIJR E MUSALSAL SAY JO DIL MEIN UTTAR GAYYEIN SADA K LIYE SHAZ
USS KO MUJH MEIN BASSI WOHI VEERANIYAN DIKHAYI NAHI DEITIEN
More Urdu Ghazals
*._.*Chal Ab Meri Saans Hi Zamanat Rakh Le To*._.* “Faraz”
*._*Shayed Is Tarha Ban Jaon Mein Tere Aaitbaar K Qabil*._.*
Ek Baar Jee Bhar K Sazaa Q Nahe Daite,
Agar Harf-E-Khata Hoon To Mita Q Nahe Daite,
Sayaa Hoon To Saath Na Rakhne Ki Wajha Kia Hai?
Pathar Hoon To Raaste Se Hata Q Nahe Daite.
Khuwaab Adhurey Sahi Khuwaab “Pyare” To Hein,
Khuwaab Jhoote Sahe Khuwaab “Sahare” To Hein,
Jaise Taise Kat Hi Jaye Gi Zindagi,
Tum Humare Na Sahe Hum Tumhare To Hein.
Zamane Bhar Ne Loota Hai Fareeb-E-Dosti De Kar,
Agar Tum Saath Do Mera To Sab Se Dushmani Kar Loon…!!!
AHMED FARAZ GHAZAL
Posted on: December 6, 2008
- In: Urdu Jokes
- 1 Comment
kaThin hai raahguzar thoRii duur saath chalo
kaThin hai raahguzar thoRii duur saath chalo
bahut kaRaa hai safar thoRii duur saath chaalo
(kaThin : difficult; raahguzar : path)
tamaam umr kahaaN ko’ii saath detaa hai
maiN jaantaa huuN magar thoRii duur saath chalo
nashe meN chuur huuN maiN bhii tumheN bhii hosh nahiiN
baRaa mazaa ho agar thoRii duur saath chalo
ye ek shab kii mulaaqaat bhii Ghaniimat hai
kise hai kal kii Khabar, thoRii duur saath chalo
abhii to jaag rahe haiN chiraaGh raahoN ke
abhii hai duur sahar thoRii duur saath chalo
(sahar : dawn)
tavaaf-e-manzil-e-jaanaaN hameN bhii karnaa hai
“Faraz” tum bhii agar thoRii duur saath chalo
(tavaaf-e-manzil-e-jaanaaN : circumabulation of the house of beloved)
Urdu Magazine - Mehndi Designs - Arabic Mehndi Designs - Urdu Poetry - Beauty Tips - Urdu Jokes 
Comments