Posts Tagged ‘shairy’
Ahmed Faraz the Great Poet
Posted July 26, 2009
on:muntazir kab se tahayyur hai teri taqrir ka
bat kar tujh par guman hone laga tasvir ka
rat kya soye k baqi umr ki nind ur gai
Khvab kya dekha ki dharka lag gaya tabir ka
jane tu kis alam main bichara hai ki tere bagair
aj tak har lafz fariyadi meri tahrir ka
jis tarah badal ka saya pyas bharakta rahe
main ne vo alam bhi dekha hai teri tasvir ka
kis tarah paya tujhe phir kis tarah khoya tujhe
mujh sa munkir bhi to qail ho gaya taqdir ka
ishq main sar phorna bhi kya k ye be-meher log
ju-e-Khun ko nam dete hain ju-e-shir ka
jis ko bhi chaha use shidat se chaha hai ‘Faraz’
sil-sila tuta nahin dard ki zanjir ka
- In: Faraz Poetry | Urdu Poetry
- 1 Comment
gile fuzul the ahad-e-vafa k hote hue
so chup raha sitam-e-narava k hote hue
ye qurbaton main ajab fasle pare k mujhe
hai ashna ki talab ashna k hote hue
vo hilagar hain jo majburiyan shumar karain
chirag ham ne jalayen hava k hote huye
na kar kisi pe bharosa k kashtiyan dubin
khuda k hote huye nakhuda k hote huye
kaise khabar hai k kasa-ba-dast phirte hain
bahut se log saron par huma k hote hue
‘Faraz’ aise bhi lamhen kabhi kabhi aye
k dil girifta raha dilruba k hote hue
IT Shairy Funny
Posted December 7, 2008
on:Kal jab mile thhe….toh dil mein hua ek sound.
Aur aaj mile toh kehte hain…your file not found
Jo muddat se hota aaya hai….woh repeat kar doonga…
Agar Tu naa mili toh apni zindagi….ctrl+ alt+delete kar doonga…
Shayad mere pyar ko….tum taste karna bhool gaye…
Dil sey aisa cut kiya…..ke paste karna bhool gaye…
Laakhon honge nigaah mein…. kabhi toh mujhe bhi pick karo…
Mere pyaar ke icon pe…..kabhi toh double-click karo…
Roz subha hum kehete hain…pyar! se unhe good morning…
Magar woh aise ghoor ghoor ke dekti hain …jaise 0 errors aur 5 warning…
Aisa bhi nahin hai ke….I don’t like your face.
Par kya kare dil ke storage mein….there is no more disk space.
Ghar se jab tum nikale…pehen ke ek reshmi gown.
Na Jaane kitne dilon ka….ho gaya Server down ..
Comments